Memorandum that UNN submitted to PM Nepal on September 24th
सम्माननिय प्रधानमन्त्री श्री माधवकुमार नेपाल
न्यू योर्क, संयुक्त राज्य अमेरिका ।
"ज्ञापन पत्र"
सम्माननिय प्रधानमन्त्री ज्यूको न्यू योर्क शहरमा हार्दिक स्वागत गर्दै सार्वभौम राष्ट्र नेपाल र स्वाभिमानी नेपाली जातीसँग दुरगामी प्रभाव पार्ने अति महत्त्वपूर्ण विषयमा हामी राष्ट्रभक्त नेपालीहरु यहाँसमक्ष ज्ञापन पत्र प्रस्तुत गर्न चाहन्छौं ।
१. नेपालको राष्ट्रिय झण्डा परिवर्तनको विषयलाई तत्काल गैरकानुनी घोषणा गरिनु पर्छ । बरु राजनीतिक दलहरुले आ-आफ्ना दलहरुको नामाकरण गर्दा राष्ट्रिय व्यक्तित्व वा प्रतीक वा मान्यता प्राप्त राष्ट्रिय भाषामा राखेर नाम परिवर्तन गर्नु पर्दछ । जस्तै: एकिकृत मार्क्सवाद-लेनिनवादको स्थानमा एकिकृत पुष्पलालवाद-मनमोहनवाद वा नेपाल समाजवादी दल; माओवादीको स्थानमा पुष्पकमलवादी-बाबुरामवादी वा पोखरेलवादी-गजुरेलवादी वा घोर नास्तिकवादी दल ।
२. नागरिक सर्वोच्ता बन्दुकबाट होइन जनमत सँग्रहबाट निर्देशित् जनताको अभिमतबाट स्थापना हुन्छ । त्यसैले नेपाली काँग्रेसका अध्यक्ष गिरिजा प्रसाद कोइरालाको लालच र भारतीय राज्दूत राकेश सूदको समन्वय र पहलमा होइन सार्वभौम नेपाली जनताको चाहनाबाट राष्ट्रमा परिवर्तन हुनु पर्छ । जनमत सँग्रहबाट मात्रै राजतन्त्र र हिन्दू राष्ट्रको विषयमा निर्णय हुनु पर्दछ ।
३. गणतन्त्र र संघीय शासन प्रणाली तथा संविधान लेख्ने कार्य जनमत सँग्रह नहुँदासम्मको अवश्थामा बन्द गरिनु पर्दछ ।
४. नेपाली भाषाले मात्र सरकारी कामकाजको भाषाको मान्यता पाउनु पर्ने र नेपालमा बोल्ने अन्य भाषालाई राष्ट्रिय भाषाको मन्यता दिइनु पर्दछ ।
५ पटक-पटक धार्मिक क्षेत्रमा हुने खासगरी पशुपतिनाथ मन्दिरमा हुने आक्रमणलाई आतंककारी हस्तक्षेप मानी त्यस्ता आतंककारीहरुलाई कडा भन्दा कडा सजायको व्यवस्था गरिनु पर्दछ । साथै राष्ट्रिय जनावर गाईको वध गर्नेलाई कडा कार्वाही गरिनु पर्दछ ।
६. छिमेकी राष्ट्र भारतले सिमाना मिच्ने र सिमानामा बसोबास गर्ने नेपालीहरुलाई दुख दिने कार्य कुनै नौलो नभएकोले सरकारले नेपाली धन-जनको सुरक्षा गर्न कठोर निती अवलम्वन गर्नु पर्दछ । सिमानाको वैज्ञानिक रेखांकन तत्काल हुनु पर्दछ ।
७. माओवादी पार्टीद्वारा प्रयोगमा लिएका विभिन्न क्याम्पमा राखिएका अन्जान वालवालिकाहरुको पढाई र यथोचित रोजगारको निमित्त तत्काल केही उपाय गरिनु पर्दछ । उनीहरुलाई नेपाली सेनामा समावेश गर्ने भनी हुनै नसक्ने सपना देखाएर भड्काउने कार्यलाई गैरकानुनी घोषाणा गरिनु पर्दछ ।
Nepalnews:
